Page 52 - патека 1

комунизмот. Па така со паѓањето на Берлинскиот зид
падна и комунизмот.
Некои комунистички земји се обидоа да направат
нов модел како преодна фаза, за да стигнат до тој идеален
комунизам. Еден од тие комунистички филозофи беше и
Едвард Кардељ од Југославија. Тој со анализа на
комунистичкиот систем дојде до идеја, во периодот на
трансформација да создаде нова сопственост. Тој воведе
колективна работничка сопственост: фабриките на
работниците.
Претпријатијата што беа во државна сопственост им
ги даде во сопственост на работниците кои работеа во тие
претпријатија. На почетокот сите беа задоволни, но со
текот на времето тоа почна да не функционира од ред
причини, а со тоа се виде и утопизмот во оваа нова идеја.
Комунистичките утописти и нивните површни
анализи за развојот на општеството доживеаа пропаѓање
на тоа ново идеално општество.
Грешките на комунистичката идеологија се
многубројни. Една од најголемите грешки се состоеше во
проучувањето на одредени делови од целината.
Парцијално проучување и апстрахирање на целината не
даде реални сознанија за општествениот развој.
Урамниловката излезе на површина, а таа создаде
незадоволство.
Дијалектичкиот реализам не се употреби во
научната мисла. Комунистичкиот систем се трудеше да ја
најде вистината, но бидејќи темелите беа многу слаби не
издржа целата идеолошка мисла. Се сруши целиот систем
како кула од карти, а и со тоа не се пронајде правата
Вистина.

51