Page 51 - патека 1

оплодува, како и угнетениот работник, што е непотребно
за една филозофска мисла.
Со гломазна и непотребна анализа за работникот и
капиталистот, тој доаѓа до утопистичко решение за едно
идеално општество. Неговото идеално општество се добива
со револуција на пролетеријатот, што е катастрофална
грешка. Зошто невини луѓе да бидат убиени за некоја
утопистичка идеја?
Тој направил уште една суштинска грешка, затоа
што не објаснил како тоа ново идеално општество ќе
функционира. При површна анализа на парите, тој доаѓа
до сознание дека парите треба да се укинат.
Како негов следбеник Владимир Илич Ленин, по
насилен пат, во Октомври 1917 година, направи револуција
во Русија. По победата на Револуцијата, комунистите
создадоа нова држава која се викаше СССР. Од првиот ден,
оваа комунистичка држава и тој систем се најдоа во многу
економски и други проблеми.
Пробаа да ги укинат парите - како средство за
размена. Четиригодишниот, таканаречен воен комунизам,
без примена на парите, создаде хаос во економијата и по
четири години, парите повторно се воведоа.
Урамниловката се појави како клучен проблем со
кој квалитетните работници беа дестимулирани.
Поспособните работници добиваа иста плата со
неспособните или помалку способните работници, а
нивниот успех беше поголем доколку тие беа полтрони на
политиката.
Марксовата теорија и мисла полека, но сигурно
пропадна во пракса. Луѓето што живееа во овој
комунистички систем почнаа со несигурност да гледаат на

50