Page 47 - патека 1

Повисоките цели ќе се појават во повисокот стадиум
од развојот на општеството. Поразвиената колективна
свест ќе изроди потреба од повисока цел.
Неспорно е дека религијата низ историјата давала
голем придонес за да не се роди анархијата, која би
направила вистински хаос во тогашното општество.
Влианието на религијата не е исто денес и во
минатото. Денес, религијата има многу мало влијание врз
општеството. Но проблемот е во постоењето на различните
религии. Различните религии се хранат со поделеноста на
светот и тоа поделба на богати и сиромашни земји со
различни религии или наоѓаат други причини со кои ја
потпалуваат омразата по верска основа.
Значи, поделеноста е главната причина, а не самата
религија. Религијата е само оружје со кое се разделува, а
основната идеја за што се создала религијата се губи.
Неминовно проблемот се решава со спојување и со
приближување помеѓу сите земји на светот.
Зближувањето на сите земји во светот е неминовен
процес во иднина. Со зближување на земјите во светот ќе
се добијат позитивни општествени резултати.
Омразата која денес е нагласена помеѓу земјите во
светот ќе почне да се намалува.
Почитта на една земја кон друга ќе почне да се
зголемува. Довербата меѓу народите во светот ќе се
зголеми. Целината ќе почне да се оформува.
Резултатите на општествениот живот ќе бидат
видно подобрени. Колективната сигурност ќе се зголеми.
Луѓето во целиот свет ќе станат позадоволни. Токму сега е
време да се направат првите чекори.

46