Page 136 - патека 1

Иднината треба да наликува на денешниот спорт.
Денешните војни (во последните сто години) треба да се
заменат со спортски „војни“, т.е. натпревари, затоа што
докажувањето на квалитетот на спортистите е на
спортскиот терен, а не на воено поле, на кое се убива и се
губат човечки животи.
Тоа би се употребило и во работата, секој работник
треба да се натпреварува со другите работници за да ја
докаже индивидуалната способност.
Индивидуалната способност ќе биде мотивирана од
колективната радост. Ако некој научник или тим од
научници пронајдат нов изум, некој нов лек, некоја
хемиска реакција која би направила услови за нормално
живеење на некоја планета, тогаш целото општество ќе
биде многу среќно и ќе го валоризира успехот.
Иднината ќе го подобри и целокупното здравство.
Денешните држави немаат исто здравство, сите лутаат за
да го пронајдат вистинскиот модус.
Еднаков систем со иста цел, ќе го подобри и
квалитетот на здравството во светот. Целта ќе биде
еднаков третман на болните и стари лица.
Здравствените работници, со помош на
колективната едукација, ќе имаат еднаков пристап кон
техниката, обуките, дијагностичките методи, испитувањата,
новите лекови... Насекаде ќе се применува современата
терапија во медицината.
Право на иста здравствена заштита ќе имаат сите,
независно од развиеноста на државата, нејзината
позицијата или богатството. Третирањето на секој човек ќе
биде хумано, од раѓањето - до неговата смрт.

135