Page 139 - патека 1

Со самото тоа денешните негативни појави во
општествените односи кои се предизвикани од различните
цели и интереси, ќе се намалат или ќе ги снема затоа што
целта ќе биде една и единствена.
Таков е примерот и со Олимписките игри, каде што
најголемата цел на спортистите и на целиот свет е да се
постигне нов олимписки и светски рекорд.
При постигање на светски и олимписки рекорд, секој
човек во светот се радува.
Се надевам дека оваа книга ќе ги стави во погон
умовите на сите луѓе во светот, да мислат за иднината, да
ја проучуват, да осознаат што сакаат да им донесе таа.
Замислете си дека на своето работно место имате
големи проблеми од кои не можете ни да заспиете.
Размислувате дење и ноќе, но решение нема, а не можете
да ја напуштите работата, бидејќи ќе немате приходи. Едно
утро одите во паркот, да се одморите и за момент да го
заборавите својот личен проблем. Се шетате во паркот и
не ја забележувате убавата околина.
Ви приоѓа некој кој Ве препознал, а Вие како во
магла се сеќавате дека тоа ви е другарот од студенските
денови. Низ разговорот, од студенскиот другар дознавате
дека тој многу напредувал. Сега тој работи на некој важен
проект во кој му фали асистент, па затоа Ве замолува Вие
да му станете асистент. Утредента почнувате со новата
работа, времето минува, а вие сте презадоволни со својата
положба и третман на работното место.
Дали вашиот првичен проблем ќе го заборавите? Се
разбира. Тогаш ќе увидите дека поранешниот проблем во
суштина бил многу мал и решлив.

138