Page 133 - патека 1

зачувувањето на загрозените животински и растителни
видови.
Во идното време кога ќе се зближат народите од
целиот свет, ќе се јави потреба од иста валута за целиот
свет. ОН ќе го земе и ова овластување и обврска да
создаде единствена пара за целиот свет. Таа треба да
служи пред сé како средство за размена на стока. Некој кој
ќе сака да штеди за деца, за старост, нема да има потреба
од тоа, но сепак ако има желба за тоа, нема да се плаши од
девалвација на својата заштеда.
Девалвацијата на парите, предизвикана со
печатење на парите, во суштина е кражба од страна на
државата кон своите граѓани.
Има и такви земји кои домаќински ги водат своите
економии и кои немат девалвации, но во денешно време
тоа е реткост.
Значи, потребата од иста валута во целиот свет е
потребна и денес, но денес е невозможно да се воведе,
затоа што целината е многу раздвоена и со различни
интереси, за тоа ќе биде потребно уште време.
Економијата во идно време ќе води кон тоа да се
намали работното време, а да се зголеми периодот на
годишниот одмор кој што сите го посакуваат.
Идеите во оваа книга не се искажани за да ги
исполнуваат желбите на луѓето, туку тие, навистина можат
да бидат реалност во иднината.
Ако човековиот труд е мултиплициран, зошто тогаш
да не се одмара и ужива во својот живот. Звучи
утопистички, но тоа може да биде идната реалност.
Ако ве праша некој што би сакале вие да работите,
во ваквото идно општество, што би одговориле?

132