Page 130 - патека 1

Замислете колкав би бил буџетот на асоцијацијата,
ако не постојат војни и целиот буџет што сега се одвојува
за наоружување на армиите на државите, се прелива во
самата асоцијација?
Членовите на СНВА ќе добиваат плата од ОН. Тие
мора да имаат услови кои што ќе им овозможат да работат
беспрекорно. Нивните предлози за работа и ширење на
СНВА треба да се почитуваат.
Проектите кои ќе ги планираат мора да се
одобруваат од страна на ОН. Директорот на СНВА ќе биде
избран од страна на членовите на СНВА. Тој ќе има
овластувања да го претставува СНВА во медиумите и
собранието на ОН. Одлуките за управување ќе ги донесува
колегиумот на СНВА, а директорот ќе ги спроведува.

(Ова се само предлози, но тие се јасни и прецизни.
Дијалектичкиот реализам дава можности за надградување,
па овие предлози се дадени како пример за отпочнување
со размислување и суперанализа.)

ТРЕТАТА ФАЗА треба да се состои во создавање
на Светска полиција (СП) или World Police (WP). Светската
полиција ќе биде создадена со цел да се заштитува
еднаквиот правен систем. Светската полиција ќе
соработува тесно со полициите на сите земји во светот.
Предлагам, Интерпол да ја прошири својата дејност
и да ја преземе одговорноста и обврските на Светската
полиција. Тесната поврзаност со другите полиции од
светот за кратко време ќе доведе до спојување на истите.

129