Page 103 - патека 1

БРАК И СЕМЕЈСТВО

Секогаш кога ќе се спомне темата брак и семејство,
во истиот момент ми излегуваат филозофските тези на Сен
Симон и Роберт Овен. Кога сум лут на својата жена си
велам, имале право старите утописти! Но кога имам добри
моменти на задоволство со мојата жена, со семејството,
никогаш не ми паднала на памет оваа тема.
Мнозина филозофи се занимавале со ова прашање,
но никој не дал содржаен и јасен одговор.
Што значи венчаницата? Дали кога ќе се венчаш,
неа ја врамуваш и ја закачуваш на ѕидот, како дозвола за
работа во дуќан, за кога ќе дојде инспекцијата да ја види?
Има и такви кои што не се венчани, а се грижат за
својата сопруга и деца многу добро. Историски,
венчаницата била и злоупотребувана, па така денес имаме
и предбрачни договори.
До мојата куќа има дрво на кое има гнездо на
штркови. Секоја година, во април, доаѓа истиот пар
штркови, а на есен одат на југ заедно со своите
овогодишни родени млади штркчиња. Штркот никогаш не
ја изневерил својата партнерка. Секогаш е верен и
посветен на својата партнерка и одгледувањето на своите
младенчиња. Љубов водат секој ден, да не ти се верува,
ама тоа е природа.

102