Page 99 - патека 1

Таа функционира и е една од водечките земји на
светов. Па, на сличен начин ќе функционира целината на
светот. Зближувањето на сите земји на светот во една
целина е неминовен процес.
Да се докаже оваа теза за иднината треба да се
постави и ова прашање: „Ако ги апстрахираме сите
земји на светот и ги ставиме САД како единствено
општество, а ниту едно друго не постои, тогаш како
би живеело тоа општество?“
Одговорот е јасен. Така би требало да живее и
целиот свет, да има иста цел и ист интерес.
Првите чекори за приближување на деловите кон
целината веќе се прават или се обидуваат да се направат.
Тоа се гледа од создавање на разни (економски) сојузи,
како што се: ЦЕФТА, НАФТА, ЕФТА, помеѓу некои земји од
светот, а во истите овие сојузи постојат економски
поволности за земјите членки.
Европската Унија е очигледен пример за тоа.
Потребата од сојузи дојде неминовно, но парцијалните
здружувања не се вистински решенија.
Малите делови се здружуваат, но целината останува
поделена. Локалните здруженија имаат и негативни
страни.
Со локалните или регионални здружувања се прави
заштита на одредени територии, со што не се решава
глобалниот проблем.
На пример, ако ова се изрази математички ќе
изгледа вака: Денес имаме околу двеста земји во светот, а
со тоа имаме и двеста интереси и цели. Ако се направат
педесет здружувања, тогаш ќе имаме педесет интереси и
цели.

98