Page 68 - патека 1

Обединетите Нации како светска институција, во
падот на моќта, треба да се реорганизираат и да се
изборат за поголеми овластувања на светската сцена.
ОН треба да работат на подигнувањето на
колективната свест за хуманите идеи: храна за сите во
светот, образование за сите, здравствена нега, социјална
помош, заштита на еколошката средина, спречување на
војните и конфликтите помеѓу државите, спречување на
тероризмот....
Обединетите Нации треба да отпочнат со
спроведување и организирање на нов пристап кон
еднаква едукација на колективната свест. Тие треба да
го спроведат и изедначат образовниот систем во целиот
свет.
Едукацијата на колективната свест треба да даде
позитивни резултати, кои ќе им овозможат на сите жители
да работат и да придонесуваат за индивидуално и
колективно збогатување во секаков облик.
Со други зборови, зголемената колективна свест ќе
допринесе сиромашните земји економски да се издигнат,
т.е. луѓето да се образуваат и со тоа нивниот труд да биде
поскап на пазарот.
Поделбата на општествениот труд нема да се одрази
негативно за никого, затоа што приближувањето на
земјите во светот во една целина ќе даде нови вредности.
Колективниот интерес ќе се зголеми, а со
зголемување на колективниот интерес ќе има потреба од
зголемување на материјалните добра, кои ќе допринесат
за да се отворат нови работни места.

67