Page 99 - ПАТЕКА 2

Отсекогаш постоеле лидери кои воделе заедници или
земји. Денес лидерите во сите земји на светот поставуваат
пирамидални начини на владение, ставаат свои заменици -
министри, управители на различни области во сферата на
општествениот живот. Политиката на лидерот треба да е
во координација со своите помошници.

Пирамидата на владеење се шири од озгора надолу. Кога
ќе стигнете на дното од пирамидата гледате огромен број
луѓе кои ја следат политиката на лидерот. Очигледно
пирамидата има моќ и сила што дава сигурност при
владеењето со државата.

Демократскиот однос го дава лидерот кој ќе ја води
земјата. Што поголема партиска пирамида дава можност за
победа на демократските избори, а со тоа се дава можност
партиската пирамида да се претвори во државна пирамида.
Секој дел од државната пирамида финансиски се
задоволува.

Постојат земји каде оваа пирамида е толку голема што
постигнува бројка над 50 проценти од популацијата на
земјата. Се оди до таму што сите бизниси во земјата се под
контрола на државната пирамида.

Во ваквиот систем на вакви општествени односи во светот
се преплетуваат разни интереси. Тоа е толку заплеткано и
сплотено што доведе до метастазирање на општеството во
целина. Притисокот на едни сили кон други го зарази цел
свет. Метастазите станаа неизлечиви, врзани,
испреплетени и затегнати и ги задушија креативноста и
прогресот.

98