Page 122 - патека 1

При давање на предлози за создавање на нов
систем за делување на ОН, потребно е да земе во предвид
сегашната реалност, т.е. постоењето на различностите.
Денешната положба на секоја земја и различните
интереси полека, но сигурно треба да влезат во фаза на
приближување. Со приближувањето на сите земји во една
целина нема да има загрозени земји, ни корпорации или
индивидуи.
Мултинационалните компании не губат ништо, дури
и добиваат, затоа што со економско зајакнување на сите
земји во светот, мултинационалните компании ќе имаат
поголеми пазари, а со тоа и поголем приход.

ПРВАТА ФАЗА на приближување и создавање на
една целина треба да се направи во правец на создавање
на Собрание со делегати од целиот свет, кои демократски
ќе одлучуваат и решавааат за сите проблеми, ќе
донесуваат закони, ќе прават планирања за развој на
општеството како целина.
Во светот има околу двеста земји, некои од нив се
многу мали по број на жители, а некои се многу големи.
Треба да се земе во предвид интересот на сите жители на
планетава и нивната желба за учество во процесот на
одлучување.
Сите предлози на целокупната популација треба да
се презентираат преку свои делегати, кои ќе ги
застапуваат нивните интереси.
Делегатскиот систем е најправилен метод со кој ќе
се почитува демократијата. Секоја земја по демократски
пат ќе избира свои делегати, кои ќе бидат претставници на
народот.

121