11 ОКТОМВРИ-ДЕТСКИ ДОМ

11 ОКТОМВРИ-ДЕТСКИ ДОМ
Адреса:	В.ЃОРГОВ 25-А, СКОПЈЕ
Телефон 1:	02/3117698
Телефон 2:	02/3113254
Телефон 3:	02/3224181
Е-маил:	judd-sk@mtsp.gov.mk
Web:	www.judd11oktomvri.mk
Facebook:
Instagram:
	Tweet
Детскиот дом “11Октомври” – Скопје е јавна установа со јавни овластувања чија надлежност и дејност се утврдени со Законот за социјална заштита и другите прописи и акти.
Установата работи под надлежност на Министерството за труд и социјална политика на РМ.
Во согласност со Законот, Установата Детски Дом “11 Октомври”-Скопје врши институционално сместување на психо-физички здрави деца и младинци, како и деца со лесна попреченост во психо-физички развој (над 3 годишна возраст), до обезбедување на услови за нивно враќање во семејствата, односно до нивно оспособување за самостоен живот и работа, а најдолго до 6 месеци по завршувањето на средносто образование.
Зградата на Ј.У.Детски дом “11 Октомври” е проектирана и изградена за специјална намена. Се состои од девет станбени целини-станови со вкупен капацитет од 144 легла. Секој стан се состои од: дневна соба, четири спални соби со балкони, тоалети и туш кабини, но исто така има и заеднички простории кои ги користат сите воспитаници и тоа: кујна, амбуланта за прва помош, компјутерски центар, библиотека, теретана, голем двор со спортски терен и забавен парк.
Во постогнувањето на позитивни резултати од нашата работа голем удел има соработката со другите институции - владини и невладини организации кои даваат свој придонес во унапредување на стручноста во работењето на човечките ресурси, за која е потребна голема сериозност и одговорност заради постигнување на посакуваните цели и задачи.
Наша одговорност е на децата без родители и без родителска грижа кои се корисници на услугите на нашата установа да им обезбедиме здрав емоционален, социјален и психо-физички развој. Преку постојано извршување на нашите работни активности (згрижување, образование, воспитување-морално, работно, здравствено, естетско) се обидуваме на највисоко ниво да ги задоволиме барањата на оваа категорија на корисници на социјална заштита но и да им бидеме од корист и на вработените кои се дел од неа. Веруваме дека децата се нашата иднина и овој став го поддржуваме со нашата максимална ангажираност и посветеност за создавање на услови за здрав психо-физички развој на нашите воспитаници. 
Во нашето работење посебно се залагаме да мотивираме, наградуваме, регрутираме и задржиме професионалци со извонредни способности кои се максимално посветени на работата на кои им овозможуваме професионален развој и висок степен на заштита при работа.
Заеднички сите вработени ја споделуваме одговорноста  и даваме придонес во градењето на здрави личности кои ги оспособуваме за самостоен живот.